Am 18. Jänner 2024 hei mir üsi HV im Restaurant Rössli in Utzenstorf gha. Nacheme feine Nachtässe mit gmischtem Salat, Steak u Pommes, isch es de fasch pünktlech um 20.00 Uhr losgange.
Äs het veiechli viu Traktande gha..
Das Johr hei mir äs nöis Mitglied dörfe y üsne Reihe ufnäh! D'Regula Blöchlinger isch scho sit am Früehlig 23 regumässig i Prob cho u jtz a üsere Houptversämmlig isch sie eistimmig ufgnoh worde.
Liebi Regula, schön bisch Du ä Teu vo üsem guete Huufe! Im Vorstang het es keini Änderige gäh u ou dr Stefan Müller, üse Dirigänt isch eistimmig wieder gwählt worde. Danke Stefan, blibsch Du üs no witerhin erhaute!
Jo u de het es no dises u äis, was so üblech isch are HV gäh z'bespräche, Johresrächnig usw. Ca. um 22.15 Uhr isch de üsi HV im offizielle Teu düre gsi u när si mir no chli gmüetlech zäme ghöcklet.
Danke Andrea u Team vom Rest. Rössli für Öies Gasträcht u die tolli Bewirtig! Mir chöme sehr gärn wieder zu Öich!