Das Johr si mir im Dezämber grad i zwone Chile ufträtte. Am erschte Wucheänd si mir Gescht gsi ir Chile Bätterkinden bir Musig. Es isch e schöni Kombination gsi mit de rassige Tön vor Blächmusig u de wieder die ruhigere Tön vo de Bärgbrünneler. Es grosses Danke ar Musig, dass mir bi ihne hei dörfe ufträtte.
S’Zwöite isch d’Wuche druf üses eigete Chilekonzärt z’Choppige gsi. Das Johr het üs d’Steel Band vo Utzenstorf u s’Duett Monika Bachmann und Monika Hess ungerstützt. Bis ufe letscht Platz isch d’Chile gfüllt gsi vo liebe Zuehörer wo dene verschidene Tön a däm chaute Sunnti hei wöue zuelose.
Mit grosser Begeischterig u Homor hei üs d’Seline u dr Cedric Wittwer dürs Programm gfüehrt-tuusig Dank öich Moderatore.
Es härzlechs Dankeschön ar Steel Band für die überus passendi Abwächslig u am Duett für die ergriffende Tön.